Tora! Tora! Tora!

Tora Tora Tora 1970

ဒီကားလေးကတော့ 1970ခုနှစ်မှာထွက်ရှိခဲ့ပြီး.. ဖြစ်ရပ်မှန်ကိုအခြေပြုရိုက်ကူးထားတဲ့ War/Action ကားလေးပါ။ ၁၉၄၁ ခုနှစ်မှာ ပုလဲဆိပ်ကမ်းဗုံးကြဲခံရတဲ့ သမိုင်း၀င်ဖြစ်ရပ်ကို အသားပေးရိုက်ကူးထားတာပါ။

၁၉၃၇ ခုနှစ်မှာ အမေရိကန်က ဂျပန်ကိုကုန်ကြမ်းကုန်သွယ်ခွင့်ပိတ်ပင်လိုက်ရာက နဂိုတင်းမာပြီးသား နှစ်နိုင်ငံဆက်ဆံရေးကပိိုဆိုး၀ါးလာခဲ့ပါတယ်။ ဂျပန်စစ်ဘက်က ဂျာမနီနဲ့မဟာမိတ်ဖွဲ့ဖို့ ကြိုးပမ်းမှုမှာ တော်၀င်ရေတပ်ကတော့ ဒီဆုံးဖြတ်ချက်ကို ဆန့်ကျင်ပြီးစစ်ဆင်နွှဲဖို့သာ တာဆူနေခဲ့ပါတယ်။

ရေတပ်ကို စစ်သေနာပတိချုပ်အသစ်အဖြစ် ရောက်ရှိလာတဲ့ ယာမာမိုတိုဟာ ပစိဖိတ်သမုဒ္ဒရာကို အုပ်စိုးနိုင်ဖို့အတွက် သမုဒ္ဒရာအတွင်းက အမေရိကန်ပိုင် ရေတပ်သင်္ဘောတပ်စု ဖြစ်တဲ့ ပစိဖိတ်သင်္ဘောအုပ်စုကို ချေမှုန်းမှသာအမေရိကန်ကို ထိန်းချုပ်နိုင်မယ်လို့ သုံးသပ်ပြီး ပစိဖိတ်သင်္ဘောတွေ ရွှေ့ပြောင်းကျောက်ချရာ ပုလဲဆိပ်ကမ်းကိုဗုံးကြဲဖို့ကြံစည်ပါတော့တယ်။

ဒီကားကို Twenty Century Fox က ၁၉၇၀ ခုနှစ်မှာထုတ်လုပ်ဖြန့်ချိခဲ့ပြီး ဝေဖန်မှုပေါင်းများစွာရခဲ့ပေမဲ့ တိကျတဲ့သမိုင်းကြောင်းအချက်အလက်တွေ နှစ်နိုင်ငံလုံးက အခြေအနေကိုရှုထောင့်မျိုးစုံက တဆက်တည်းရိုက်ပြသွားတာတွေက အသေးစိတ်ကျတဲ့တင်ဆက်မှုတွေအဖြစ်ချီးကျူးခံရပါတယ်။ ၄၃ ကြိမ်မြောက် Oscar ဆုပေးပွဲမှာ Nomination ၅ ဆု၀င်ခဲ့ပြီး အကောင်းဆုံးရုပ်ရှင်ရိုက်ကူးမှုပညာ ဆု.. အကောင်းဆုံး ရုပ်ရှင်တည်းဖြတ်မှုဆုနဲ့ ..အကောင်းဆုံး visual effect ဆု သုံးဆုရခဲ့ပါတယ်။

ဒီနေ့ခေတ်အမြင်နဲ့ကြည့်ရင်တော့ Visual Effect တွေက အဆင်မပြေလောက်စရာဖြစ်နေပေမဲ့လည်း သူ့ခေတ်သူ့အခါမှာတော့ Top 10 ၀င်ခဲ့တဲ့ သမိုင်းရုပ်ရှင်အမျိုးအစားပါ။ အကြမ်းဖျဥ်းသိပြီးသားဖြစ်မယ့်သမိုင်းကြောင်းတစ်ခုကို အသေးစိတ်အနေနဲ့ ရှုထောင့်အသီးသီးကရိုက်ပြထားတာမို့ သမိုင်းစိတ်၀င်စားသူများ ကြည့်ရှုသင့်ပါကြောင်း ညွှန်းလိုက်ရပါတယ်။

Review by Ariel
Encoded by Ko Paing
Translated By MKS Channel
Channel By MKS